CHANGE YOURSELF - KHUD ME BADALAAV KIJIYE

CHANGE YOURSELF - KHUD ME BADLAAV KIJIYE

EK NAGAR MEIN EK RAJA RAHATA THA. RAJA JAB BHI MAHAL SE BAAHAR JAATA, HUMESHA APNE GHODE PAR HI JAATA THA.

EK BAAR WAHA APNE NAGAR KO DEKHANE AUR JANTA KI SAMASYAON KO SUNNE KE LIYE PAIDAL HI BHRAMAN PAR NIKALA. US SAMAY JOOTE NAHI HOTE THE ISLIYE ZAMEEN PAR KANKAD AUR PATTHARON KE KARAN RAJA KE PAIR DUKHNE LAGE. RAJA NE IS SAMASYA KE HAL KE LIYE APNE MANTRIYON KI EK BAITHAK BULAYI.

JYAADATAR MANTRIYON KA YAHI SUJAAV THA KI KYO NA PURE NAGAR KE RAASTE KO CHAMADE KI MOTI PARAT SE DHAK DIYA JAYE. LEKIN ISKE LIYE BAHUT SAARE DHAN AUR ANYA SANSAADHANON KI JARURAT THI. 

TABHI RAJA KE PAAS KHADE EK SIPAHI NE SUJAAV DIYA KI PURE NAGAR KO CHAMADE KI PARAT SE DHAKANE SE ACHA YAHA HAI KI KYO NA HUM APNE PAIRON KO HI CHAMADE KI PARAT SE DHAK DEN. ISSE NA KEVAL HAMAARE PAIR SURAKSHIT RAHENGE BALKI JYAADA DHAN BHI KHARCH NAHIN HOGA. SIPAHI KA SUJAAV SUNKAR RAJA PRASANN HUA AUR USNE SABHI KE LIYE "JUTE” BANAVAANE KA AADESH DIYA.

MORAL OF THE  STORY

CHANGE YOURSELF - "KHUD MEIN VO BADALAAV  KI JIYE JO AAP IS SANSAAR MEIN DEKHNA CHAAHTE HAI."