INSPIRING SUCCESSFUL STORY OF RATAN TATA

INSPIRING SUCCESSFUL STORY OF RATAN TATA

                       Source: wikimedia

RATAN TATA INDIA KE PRAMUKH UDYOGPATIYON MEIN SE EK HAIN. RATAN TATA HAZARON LAAKHON LOGON KE LIYE ADARSH HAI. INHONE APNE JIVAN MEIN KADE SANGHARSH MEHNAT KI BADAULAT YAHA MUKAAM HAASIL KIYA HAI. RATAN TATA NE 1991 MEIN TATA GROUP KE ADHYAKSH BANE THE AUR 28 DECEMBER  2012 MEIN RATAN TATA NE TATA GROUP KI ADHYAKSHATA SE ISTIFA DE DIYA THA. HAALAAKI RATAN TATA ABHI BHI TATA GROUP KE TRUST KE ADHYAKSH BANE HAIN. RATAN TATA, TATA GROUP KE ALAVA TATA STEEL, TATA MOTOR'S, TATA POWER, TATA CONSULTANCY SERVICES, TATA TEA, TATA CHEMICALS, INDIAN HOTELS AUR TATA TELESERVICES KE ADHYAKSH BHI RAHE HAIN. RATAN TATA NE APNI AGUVAAYI MEIN TATA GROUP KO NAYI BULANDIYON PAR PAHUNCHANE KA KAAM KIYA HAI.

RATAN TATA KA JANAM 28 DECEMBER 1935 MEIN SURAT SHEHAR MEIN HUA THA. 1940 KE DASHAK MEIN JAB RATAN TATA KE MAATA-PITA (SIMONE AUR NOEL) EK DUSRE SE ALAG HUE US SAMAY RATAN TATA 10 SAAL KE AUR UNKA CHOTA BHAI JIMMY SIRF 7 SAAL KA THA. ISKE BAAD IN DONO BHAIYON KA PAALAN POSHAN INKI DAADI NAVAJBAI TATA NE KIYA THA. MUMBAI KE CAMPAION SCHOOL SE RATAN TATA NE APNI PRARAMBHIK SHIKSHA PURI KI USKE BAAD CATHEDRAL  AND JOHN CONNAN SE INHONE APNI MAADHYAMIK SHIKSHA PURI KI PHIR INHONE STRUCTURAL ENGINEERING KE SAATH CORNEL VISHWA VIDYALAYA SE 1963 MEIN SNAATAK KI DEGREE LI. IN SABKE BAAD RATAN TATA NE HARVARD BUSINESS SCHOOL SE 1975 MEIN ADVANCE MANAGEMENT PROGRAM BHI PURA KIYA.

BHARAT VAAPAS AANE SE PEHALE RATAN TATA LOS ANGELES, CALIFORNIA MEIN JONES AUR EMMONS MEIN THODE SAMAY KAAM KIYA. RATAN TATA NE APNE CAREER KI SHURUAAT TATA GROUP SE KI THI. TATA GROUP SE RATAN TATA 1961 MEIN JUDE THE. RATAN TATA, TATA GROUP KI KAI COMPANIYO MEIN APNA SAHYOG DE CHUKE THE. USKE BAAD 1971 MEIN INHE RAASHTRIYA RADIO AUR ELECTRONICS COMPANY (NELCO) MEIN PRABHAARI NIDESHAK KA KAARYA BHAAR SAUMPA GAYA. ISKE BAAD 1981 MEIN RATAN TATA, TATA INDUSTRIES KE ADHYAKSH BANE. 1991 MEIN JRD TATA NE APNE ADHYAKSH PAD SE ISTIFA DENE KA FAISLA LIYA AUR RATAN TATA KO APNA UTTARAADHIKAARI GHOSHIT KIYA. RATAN TATA NE APANI PRATIBHA KE DUM PAR TATA GROUP  KO NAYI BULANDIYON PAR PAHUNCHA DIYA. RATAN TATA KI ADHYAKSHATA MEIN TATA MOTOR’S NE APNI PEHLI BHARATIYA CAR TATA INDICA LAUNCH KI JO KAAFI SAFAL BHI RAHI.

ISAKE BAAD TATA TEA NE TETLY, TATA MOTOR’S NE JAGUAR,  LAND ROVER AUR TATA STEEL NE CORUS KO TAKEOVER KAR BHARATIYA BAZAR MEIN TEHALKA MACHA DIYA. DUNIYA KI SABSE SASTI KAAR BANANE KA IDEA BHI RATAN TATA KA HI THA. HAALAANKI BAAD MEIN INHONE 28 DECEMBER 2014 KO TATA SAMOOH KE SABHI KAARYAKAARI JIMMEDAARIYON SE SEVAANIVRITT HO GAYE THE AUR UNKI JAGHA 44 VARSHIYA CYRUS MISTRY KO DI GAYI. TATA SAMOOH SE APNE KAARYON SE NIVRITT HONE VAALE RATAN TATA NE HAAL HI MEIN E-COMMERCE COMPANY  SNAPDEAL, URBAN LADDER AUR CHINESE MOBILE COMPANY XIOMI MEIN BHI NIVESH KIYA HAI. ABHI RATAN TATA PRADHAANAMANTRI VYAAPAAR AUR UDYOG PARISHAD AUR RAASHTRIYA VINIRMAAN PRATISPARDHATMAKTA PARISHAD KE ADHYAKSH KE TAUR PAR NIYUKT HAI.