INSPIRATIONAL STORY OF MAJOR DHYAN CHAND - "हॉकी के जादूगर"

INSPIRING STORY OF MAJOR DHYAN CHAND - "हॉकी के जादूगर"

        Source: wikimedia

MAJOR DHYAN CHAND KI KAHANI HOCKEY KE JADUGAR KE NAAM SE PRASIDDHA THE. MAJOR DHYAN CHAND BAHU PRATISHTHIT BEHATARIN HOCKEY PLAYER THE. GOAL KARNE KI UNKI KSHAMTA ADBHUT THI AUR AKSAR VIRODHI TEAM BHARAT KE IS KHILADI KE SAAMNE GHUTNE TEKTE HUE NAZAR AATE THE. 29 AUGUST KO AANE WALA UNKA JANAMDIN BHARAT MEIN RASHTRIYA KHEL DIVAS KE ROOP MEIN MANAYA JAATA HAI AUR BHARAT KE RAASHTRAPATI NE BHI UNHE RAJIV GANDHI KHEL RATNA, ARJUN AUR DRONACHAARYA AWARD SE IS DIN SAMMAANIT BHI KIYA GAYA HAI. HOCKEY FIELD MEIN 3 OLYMPIC  MEDAL JEETNE WAALA BHARATIYA HOCKEY KHILADI DHYAN CHAND BESHAK HOCKEY KE SABSE BEHATARIN AUR HARFANMAULA KHILADI THE. VE US SAMAY BHARATIYA ANTAR RAASHTRIYA HOCKEY TEAM KE SADASYA THE, JIS SAMAY BHARTIYA HOCKEY TEAM NE PURI DUNIYA MEIN APNA DABDABA BANAYA HUA THA. 

EK KHILADI KE ROOP MEIN GOAL KARNE KI UNKI SHAILI AUR KALA DUSRE SABHI KHILADIYO SE BILKUL ALAG AUR ADBHUT THI. ISILIYE UNHE HOCKEY KE JAADUGAR KE NAAM SE BHI JAANA JAATA HAI. HAR MATCH MEIN HOCKEY KI GENDH PAR UNKI ADBHUT PAKAD HOTI THI AUR GENDH KO GHASITNE MEIN BHI VE BEHTAR THE. BALKI GENDH KO GHASITNE KI UNKI KALA AVISHWASNIYA THI. LOG UNHE HOCKEY KI STICK SE  KHELNE WALA JADUGAR KAHKAR HI BULATE THE. KAE BAAR VIRODHI TEAM NE UNKI STICK KO BHITAR SE DEKHNE KE LIYE MATCH KE DAURAAN TODNE KI BHI KOSHISH KI THI. HOCKEY KE PRATI UNKA PREM TAB BADHNE LAGA THA JAB KISHORE AVASTHA MEIN HI VE ARMY MEIN SHAMIL HO CHUKE THE. SHURU-SHURU MEIN ARMY TEAM KI TARAF SE KHELTE THE, JAHAN UNHONE ACHA KHELKAR APNA NAAM BHI KAMAYA.

JIS BHARATIYA TEAM NE 1928 KE AMSTERDAM OLYMPIC AUR 1932 KE LOS ANGELES OLYMPIC MEIN GOLD MEDAL JEETA THA, US BHARATIYA TEAM KE CAPTAIN DHYAN CHAND HI THE. 1932 KE OLYMPIC MEIN BHARAT KA PEHALA MATCH JAPAN KE KHILAF THA, JISE UNHONE 11-1 SE JEETA THA. ISSE SIDDH HUA KI BHARATIYA TEAM KAAFI ACHA PRADARSHAN KAR RAHI HAI AUR SABKO YAKIN THA KI TEAM FINAL MEIN JAAKAR EK BAAR PHIR GOLD MEDAL ZARUR JEETEGI. OLYMPIC KE BAAD BHARATIYA TEAM NE UNITED STATE, ENGLAND AUR DUSRE DESHO SE KHELNE KE LIYE BAHUT SE INTERNATIONAL  TOUR BHI KIYE. TOUR KE ANTH MEIN, BHARAT KHELE GAYE 37 MATCHON MEIN SE 34 JITA THA. IS TOUR MEIN CHAND NE BHARAT DWAARA KIYE GAYE 338 GOAL MEIN SE 133 GOAL DAAGE THE. 1934 MEIN UNHE BHARATIYA HOCKEY TEAM KA CAPTAIN BANAYA GAYA AUR APNE APNI KAPTAANI MEIN TEAM KO 1936 KE BERLIN OLYMPIC MEIN LE GAYE. VAHA BHI UNHONNE APANA JAADU DIKHAYA AUR BHARAT KO TEESRA OLYMPIC GOLD MEDAL JEETAYA. 1940 KE ANTH TAK VE LAGAATAR HOCKEY KHELTE RAHE AUR PHIR ISKE BAAD 1956 MEIN ARMY KE MAJOR KE ROOP MEIN SEVANIVRUTT HUE. SEVAANIRVRUTT HONE KE BAAD VE BHARATIYA TEAM KE COACH BANE. 

1956 MEIN, 51 SAAL KI UMAR MEIN MAJOR KE PAD PAR KAARYA KARTE HUE VE SEVAANIRVRUTT HUE. ISKE BAAD USI SAAL BHARAT SARKAR NE UNHE BHARAT KE TEESRE SARVOCH SAMMAAN PADMA BHUSHAN DEKAR SAMMAANIT KIYA. 

SEVAANIRUTTI KE BAAD VE RAAJASTHAAN KE MOUNT ABU MEIN COACH KA KAAM KARNE LAGE. BAAD MEIN UNHONE PATIYAALA KE NATIONAL INSTITUTE OF SPORT KE MUKHYA HOCKEY COACH HONE KE PAD KO SWEEKAR KIYA AUR KAYI SAALO TAK USI PAD PAR REHTE HUE KAAM BHI KIYA. DHYAN CHAND NE APANE ANTIM DIN APNE GAAV JHANSI  MEIN BITAYE THE. MAJOR DHYANCHAND KI MRUTYU 3 DECEMBER 1979 KO ALL INDIA INSTITUTE OF MEDICAL SCIENCE, DELHI MEIN HUYI. JHANSI KE SHAHIDON KE MAIDAN PAR UNKA DAAHA SANSKAR KIYA GAYA THA.

MAJOR DHYAN CHAND KO MILE HUE AWARD AUR UPLABDHIYAAN 

VE UN TEENO BHARATIYA TEAM KE SADASYA THE JINHONE 1928, 1932 AUR 1936 KE OLYMPIC MEIN GOLD MEDAL JEETHA THA. 

APNE PURE HOCKEY CAREER MEIN UNHONE TAQRIBAN 1000 SE BHI JYADA GOAL KIYE THE, JINME SE 400 UNHONNE ANTARARAASHTRIYA STHAR PAR KIYE THE. 

1956 MEIN HOCKEY FIELD MEIN UNKE YOGDAN KO DEKHTE HUE BHARAT SARKAR NE UNHE BHARAT KE TEESRE SARVOCH AWARD PADMA BHUSHAN SE SAMMAANIT KIYA THA. 

KISI BHI KHILAADI KI MAHAANATA KO GINNE KA SABSE ACHA PAIMAANA YAHI HAI KI US KHILADI KE SAATH KITANI GHATNAYE JUDI HUI HAI. US HISAAB SE TO MAJOR DHYANCHAND KA KOI JAVAAB HI NAHI. HOLLAND MEIN TO LOGO NE UNKI HOCKEY STIK TUDAVA KAR BHI DEKH LI THI KE KAHI USME CHUMBAK TO NAHI. YAHI GHATANA HAMEN ANTARARAASHTRIY STAR PAR UNKI LOKAPRIYATA KO DARSHAATI HAI. 

WAQT AGAR KISI CHEEZ KO LAUTANA CHAHE TO BESHAK BHARATIYA KHEL JAGAT MAJOR DHYANACHAND KO MAANGNA CHAHEGA.

UNSA NA KOI HUA AUR HO SAKTA HAI AUR NA BHAVISHYA MEIN KOI HOGA.

KHEL SE KHILAADI KI PAHACHAAN BANATI HAI LEKIN DHYANCHAND TO HOCKEY KA AAINA BAN GAYE.