इन्स्पिरिंग लाइफ स्टोरी ऑफ़ श्रीनिवास रामानुजन - Inspiring life story of Srivasa Ramanujan
srinivasa ramanujan iyenger ek mahaan bhartiya ganitagya the. unhe aadhunik kaal ke mahaantam ganit vichaarako mein gina jaata hai. unhe ganit mein koe vishesh prashikshan nahi mila, phir bhi unhonne vishleshan evan sankhya siddhaant ke kshetro mein mahatvapoorn yogdaan diye. unhone ganit ke kshetra mein kae mahatvapoorn prayog kiye the jo aaj bhi upyog kiye jaate hai. unke prayogo ko us samay jald hi Bhartiya ganitagyo ne maanyata de di thi. jab unka hunar jyaadaatar ganitagyo ke samudaay ko dikhayi dene laga, tab unhone English ganitagya G.H. hardy se bhaagidaari kar li. unhone purane prachalit theoram ki pun: khoj ki taaki usme kuch badlaav karke naya Theoram bana sake. srinivasa ramanujan jyaada umar tak to jee nahi paaye lekin apne chote jeevan mein hi unhone lagabhag 3900 ke aas-paas prameyo ka sankalan kiya.
Inme se adhikaansh pramey sahi siddh kiye ja chuke hai. aur unke adhikaansh pramey log jaante hai. unke bahut se parinam jaise ki ramanujan prime aur ramanujan theta bahut prasiddh hai. ye unke mahatvapoorn prameyon mein se ek hai. unke kaam ko unhone unke international prakaashan ramanujan jounal mein bhi prakaashit kiya hai, taaki unke ganit prayogon ko saari duniya jaan sake aur pooree duniya mein unka upayog ho sake. unka yaha antarraashtreey prakaashan pure vishv mein prasiddh ho gaya tha, aur kaafi log ganit ke kshetr mein unke atulya yogdaan se prabhaavit bhi hue the.
srinivasa ramanujan ka praarambhik jeevan – srinivasa ramanujan ka janm 22 decembet 1887 ko bhaarat ke Dakshini bhoobhaag mein sthit Coimbatore ke erode, madras (abhi ka tamilnadu) naam ke gaav mein hua tha. vah paaramparik brahman parivaar mein janme the. unke pita srinivasa Iyenger zille ki hi ek saari ki dukaan mein Clerk the. unki maata, komalatammal ek housewife thi aur saath hi sthaanik mandir ki gaayika thi. ve apane parivar ke saath kumbakonam gaav mein saarangapaanee street ke paas apne purane ghar mein rahate the. unka Parivarik ghar aaj ek Museum hai. jab ramanujan 18 months ke the, tabhi unki maata ne ek aur bete sadagopan ko janam diya, jiska baad mein teen maheeno ke bhitar hi dehaant ho gaya. December 1889 mein, ramanujan ko chechak ki bimaari ho gayi, is Bimaari se pichle ek saal mein unke Zille ke Hazaaro log maare gaye the, lekin ramanujan jald hi is Bimaari se theek ho gaye the.
iske baad ve apne maata ke saath madras (Chennai) ke paas ke gaav kanchipuram mein maata-pita ke ghar mein rahane chale gaye. November 1891 aur fir 1894 mein, unki maata ne do aur bachchon ko janam diya, lekin phir se unke dono bachcho ki bachpan mein hi mrutyu ho Gayi. 1st October 1892 ko srinivasa ramanujan ko sthaanik school mein daala gaya. march 1894 mein, unhe Tamil Medium School mein daala gaya. unke naana ke Kanchipuram ke Court mein kar rahe job ko kho dene ke baad, ramanujan aur unki maata kumbakonam gaav vaapis aa gayi aur unhone ramanujan ko kangayan Primary school mein daala. jab unke daada ka dehaant hua, to ramanujan ko unke naana ke paas bhej diya gaya, jo baad mein madras mein rahane lage the. ramanujan ko madras mein School jaana pasand Nahi tha, Isiliye ve jyaadaatar School nahi jaate the. unke parivar ne ramanujan ke liye ek chaukidaar bhi rakha tha taaki ramanujan roj School ja sake. aur is tarah 6 maheene ke bhitar Hi ramanujan kumbakonam vaapis aa gaye. jab jyaadaatar samay ramanujan ke pita kaam mein vyast rahate the, tab unki maa unki bahut achchhe se dekhabhaal karti thi. ramanujan ko Apni maata se kaafi lagaav tha. apni maa se ramanujan ne Pracheen paramparao aur puraano ke baare mein seekha tha. unhone bahut se dharmik bhajano ko gaana bhi seekh liya tha taaki ve aasaani se mandir mein kabhi-kabhi gaa sake. brahman hone ki vajah se ye sab unke Parivar ka Hi ek bhaag tha. kangayan Primary School mein, ramanujan ek Honhaar Chaatra the. bas 10 saal ki aayu se pahale, november 1897 mein, unhone English, tamil, bhoogol aur ganit ki primary Pariksha utteern ki aur pure Zille mein unka pahala sthaan aaya. Usi saal, ramanujan shahar ki uchch maadhyamik School mein gaye jaha pahali baar unhone ganit ka abhyaas kiya.
11 varsh ki aayu se hi srinivasa ramanujan Apne Hi ghar par kiraaye se rah rahe do vidyaarthiyon se ganit ka abhyaas karna shuroo kiya tha. baad mein unhone S.L. Loni dvaara likhit advance trigonometry ka abhyaas kiya. 13 saal ki alpaayu mein hi ve us kitaab ke master ban chuke the aur unhone khud kae saare Theoram ki khoj ki. 14 varsh ki aayu mein unhe apne yogdaan ke liye merit Certificate bhi diya gaya aur saath Hi Apni School shiksha puri karne ke liye kae saare Academic puraskaar bhi diye gaye aur sambar tantra ki school mein unhe 1200 vidyaarthi aur 35 shikshako ke saath pravesh diya gaya. ganit ki pareeksha unhone diye gaye samay se aadhe samay mein hi puri kar li thi. aur unke uttaro se aisa lag raha tha jaise Geometry aur anant series se unka gharelu sambandh ho. ramanujan ne 1904 mein ghanaakaar sameekarano ko Asaani se hal karne ke upaay bhi bataye aur baad mein qwertyk ko hal karne ki apni vidhi banane mein lag gaye.
usi saal unhone jaana ki qwintik ko Redicals ki sahaayata se hal nahi kiya ja sakta. san 1905 mein srinivasa ramanujan madras Vishwa vidyalaya ki pravesh Pariksha mein sammilit hue parantu ganit ko Chodkar shesh sabhi vishayo mein ve anutteern ho gaye. kuch samay baad 1906 evan 1907 mein ramanujan ne phir se baarahavi kaksha ki private Pariksha Di aur anutteern ho gaye. ramanujan baarahavi mein do baar Fail hue the aur isse pahale unhone Metric ki pariksha pahale darje se paas ki thi. jis Government College mein padhte hue ve do baar Fail hue, baad mein us College ka naam badal kar unke naam par Hi rakha gaya. srinivasa ramanujan jab Metric kaksha mein padh rahe the Usi samay unhe sthaaniya college ki Library se ganit ka ek granth mila, “A Sypnosis Of elementary Results in Pure end Applied Mathematics” lekhak the george s. kaarr. ramanujan ne george s. kaarr ki ganit ke parinaamo par likhi kitaab padhee aur is pustak se prabhaavit hokar svayan hi ganit par kaarya karna praarambh kar diya. is pustak mein uchch ganit ke kul 5000 formule diye gaye the. jinhe ramanujan ne keval 15 saal ki aayu mein Puri tarah aatmasaat kar liya tha. 1904 mein Higher Secondary School se jab ramanujan Graduate hue to ganit mein unke atulya yogdaan ke liye unhe School ke Headmaster KrishnaswaMy ayyar dvaara unhe K.ranganaat Rao Puraskar diya gaya. jisme ramanujan ko ek honhaar aur buddhimaan Vidyarthi bataya gaya tha. unhone us samay pariksha mein sarvaadhik gun praapt kiye the. ise dekhte hue Government Art College, kumbakonan mein padhane ke liye unhen shishyavrtti di Gayi. lekin ganit mein jyada ruchi hone ki vajah se Ramanujan dusre vishayo par dhyaan Nahi de paate the. 1905 mein ve ghar se bhaag gaye the, aur Viahakapatnam mein ek mahine tak Rajamundari ke ghar rahane lage. aur baad mein madras ke Mahavidyalaya mein padhne lage. lekin baad mein beech mein Hi unhone Waha College chod diya. vidyaalaya chodane ke baad ka paanch varshon ka samay inke liye bahut hataasha bhara tha. Bharat is samay partantrata ki bediyon mein jakada tha. charon Taraf bhayankar Garibi thi. aise samay mein ramanujan ke paas na Koyi Naukri thi aur na hi kisi sansthan athva profesar ke saath kaam karne ka mauka. bas unka Ishear par atoot vishvaas aur ganit ke prati agaadh shraddha ne unhe kartavya maarg par chalane ke liye sadaiva prerit kiya. srinivasa ramanujan ke pramukh kaary - ramanujan aur inke dvaara kiye gaye adhikaansh kaary abhi bhi vaigyaanikon ke liye aboojh paheli bane hue hain. ek bahut hi saamaanya parivaar mein janam le kar poore vishv ko aasharyachakit karne ki apni is yaatra mein inhone bhaarat ko apoorva gaurav pradaan kiya. srinivasa ramanujan adhiktar ganit ke mahaagyaani bhi kahlaate hai. us samay ke mahaan vyakti lonhard Yular aur Carl Jacobi bhi unhe khaasa pasand karte the. jinme haardi ke saath ramanujan ne vibhaajan function ka abhyaas kiya tha. inhone shoonya aur anant ko hamesha dhyaan mein rakha aur iske antarsambandhon ko samajhaane ke liye ganit ke sootro ka sahara liya. ve Apni vikhyaat khoj goliya vidhi ke liye bhi jaane jaate hai.
srinivasa ramanujan ki 7 hakikat –
1) srinivasa ramanujan school mein Humesha Hi akele Rehte the, unke sahyogi unhe kabhi samajh nahi paaye the. ramanujan Garib Pariwar se sambandh rakhte the aur Apne ganito ka Parinam dekhne ke liye ve paper ki jagah kalam patti ka upyog karte the. shuddh ganit mein unhe Kisi prakaar ka prashikshan nahi diya gaya tha.
2) government art College mein padhne ke liye unhe Apni shishyavrtti Khoni padi thi aur ganit mein apne lagaav se baaki dusre vishayo mein ve Fail hue the.
3) ramanujan ne kabhi koi College Degree praapt Nahi ki. phir bhi unhone ganit ke kaafi prachalit prameyon ko likha. lekin unme se kuch ko ve siddh nahi kar paaye.
4) england mein hue jaativaad ke ve gavaah bane the.
5) unki uplabdhiyo ko dekhte hue 1729 numbar hardy-ramanujan numbar ke naam se jaana jaata hai. 4) 2014 mein unke jeevan par aadhaarit tamil film ramanujan ka jeevan banayi Gayi thi.
7) unki 125 vi Aanniversary par Google ne apne logo ko inke naam par karte hue unhe sammaan arjit kiya tha.
Post a Comment
if you have any doubts, please let me know